ممكن
تكلم حد تسأل عليه فميردش عليك
مرة واتنين وثلاثة فتقرر متكلموش تاني
وبعدها بكام شهر تعرف إنه مات بمرض خطير وكان بيعاني فيه ومش عايز
حد يعاني معاه
ممكن تطلب زيارة
حد ويكون رده مش قادر استقبل
حد حاليا
فتقرر إنك متدخلش بيته ومتسألش
عليه تاني
ويزيد زعلك ويكبر موقفك بعدم سؤاله
عليك فتنساه وتحطه في عداد الذكريات وبعدين تكتشف أنه كان بيعاني الفقر والمرض وفعلا غير قادر على إستضافة
حد ولا عنده إمكانية السؤال والإتصال
بس بردو تعرف الحقيقة دي بعد ما يموت ..
ويبقى ذكرى بجد بس مش منسية كل لحظة فيها حاضرة وقلبك بيتقطع من الندم ..
على سوء ظنك فيه ..
على موته في وحدته ..
على غلط مش حتقدر تصلحه ..
على قلب عفيف حب يعيش معاناته في صمت وصبر ..
متسبوش إيد مقطوعة غير لما توصلوها
متسيبوش اللي بيحب يعيش لحظات ضعفة وحزنه لوحده كتير في الوحده دي واقتحموها
عليه ولو أبدى ضيقه من ده فحيخرج غصب عنه طول ما في قلوب طيبة إيديها ممدودة ليه لحد ماتشده وتخرجه للنور غصب عنه
كفاية كلام عن كرامة موتت علاقات كتير
كفاية زعل وخصام وسوء ظنون وتكبير لحجم المواقف
فرق كبير بين ألم الفراق اللي ربنا بيهونه على عبيده وبينزل لطفه فيه
وبين الألم النفسي والإحساس بالندم اللي مفيش أي طريق
ممكن يصلحه ..
تراحموا
تحابوا قهوه
:1
:895
العرض العادي
