آخـر مواضيع المنتدى








خصآئص التسجيـل رفـع الصـور
العودة   منتدي اميرتي > منتديات منوعات ترفيهية > مواضيع عامة

مواضيع عامة المواضيع العامة و الحوارات التي لا تندرج تحت المنتديات المتخصصة



إضافة رد  المفضلة
:0   المشاهدات :50
أدوات الموضوع انواع عرض الموضوع
  رقم المشاركة : ( 1 )  
قديم منذ أسبوع واحد
الصورة الرمزية فتاة انيقة
فتاة انيقة
عضوة فى اميرتى
فتاة انيقة غير متواجد حالياً
صاحبة الموضوع
رقـــم العضويـــة : 18
تــاريخ التسجيـل : Mar 2018
العــــــــمـــــــــر :
الــــــدولـــــــــــة : مصر
الــــــمدينـــــــــة : القاهرة
الحالة الاجتماعية : متزوجة
الـــــوظيفـــــــــة : خريجة
المشاركـــــــــات : 542 [+]
الأصـــــدقـــــــــاء : 1
عــدد الـــنقــــــاط : 10
أنا مش عارفه اعمل حاجه من الولاد

أنا مش عارفه اعمل حاجه من الولاد


أنا مش عارفه اعمل حاجه من الولاد

حاسه ان حياتي واقفه بسبب ولادي

مش عارفه أنجز شغلي بسببهم

الشكاوي دي بنسمعها كتير أوي حوالينا .. احنا نفسنا كنا بنشتكي نفس الشكوى دي ف يوم من الأيام

تلاقي الأم بتلف حوالين نفسها طووول اليوم ومش لاحقه

تيجي آخر اليوم بعد كم المجهود الرهيب الي بتبذله والي هو حرفيا فعلا تلاقيها مش بتقعد غير مثلا وهي بتذاكر مع حد من الولاد أو بتأكل حد تاني ..

وبعد كل ده تلاقيها عماله تأنب في نفسها وأنها مش عارفه ولا لاحقه تنجز حاجه

😱😱😱

المطبخ مش متشطب
البيت متروق بالعافيه
ما لحقتش تقرأ الورد القرآني بتاعها
ما لحقتش تسمع الكورس الي مشتركه فيه
مش عارفه تخلص الرساله بتاعتها
راحت شغلها متأخر واستاذنت بدري
الكتاب الي جابته من معرض الكتاب السنه الي فاتت لسه ما بدأتش فيه

ويا عيني عليها الخمس دقايق الي بتقعد فيهم تمسك الموبايل قبل ما تنام بتلاقي البوستات الي قدامها

الأم الي بتعلم ولادها منزليا ومنزله تطور ولادها وانجازها معاهم
وفلانه الي وصلت لحلمها وعملت المشروع الي كان نفسها فيه
وصاحبتها الي الي اخدت شهاده معتمده في كورس معين
وبنت خالتها الي اتعلمت لغه جديدة في وقت قياسي
و ..... و........

وبدل ما كانت هتقعد خمس دقائق تفصل فيهم مخها وضميرها عن التفكير والتأنيب قبل ما تنام بتلاقي نفسها بتلف تاني ف نفس الدائرة

بس المره دي بقى بتلاقي حجه لنفسها
الا وهي الأولاد

احنا حقيقي محتاجين نقف ونعمل ستوب ونفكر كويس هو احنا ليه حاصرين الانجاز على الحاجات دي ؟؟

ليه بنستمتع اوي واحنا بنتعلم أو بناخد شهاده أو بنقرأ كتاب معين

وفي المقابل مش بنستمتع نفس الاستمتاع ده واحنا بنجري ورا ولادنا وبنلعب معاهم

ليه بنحس بالراحه لما نيجي ننام والمطبخ متشطب والبيت متروق

ومش بنحس بنفس الراحه لما ننام بعد ما نقعد نحكي مع ولادنا نص ساعه

ليه مش شايفين أن جرينا وراهم طول اليوم إنجاز
وان لعبنا معاهم ونزولنا لمستوى عقولهم إنجاز
وان شوية الرز والعدس الي بيتعملوا بكروته بس بكل الحب إنجاز
وان شوية القرص الي قعدنا طول اليوم نعجن فيهم مع ولادنا ومعدوش صالحين للأكل إنجاز
وان تغيير البامبرز لاكتر من مرتين في اليوم انجاااااز
وان تغيير الهدوم لاكتر من طفل برده انجاااز
وان تسريح الشعر لطفله سنتين فما فووووق انجاااااز

حقيقي محتاجين نعيد قوانين الإنجاز الي حطيناها لنفسنا والي خلت في حاجز كبير اوي بينا وبين سعادتنا وراحتنا

محتاجين نشوف الانجازات الحقيقيه مع ولادنا ونحس بيها
محتاجين نقتنع أن حياتنا مش واقفه بسببهم بل بالعكس
الحياه بتقف من غيرهم

محتاجين نكسر صنم الإنجاز الي خلقناه بأيدينا
ونشوف الكم الهائل من الإنجازات الي بنعملها كل يوم ومش واخدين بالنا منها

وخليك فاكره دائما ..
أن
الإنجاز الحقيقي في حضن بيتك ..

❤️



المصدر : منتدي اميرتي - من قسم: مواضيع عامة


  آخر موآضيع  »  فتاة انيقة  

رد مع اقتباس
إنشاء موضوع جديد إضافة رد

الكلمات الدلالية (Tags)
من, مش, أنا, الولاد, اعمل, حاجه, عارفه


يشاهد : 1 ( عضوة 0زائرة 1)
 
أدوات الموضوع
انواع عرض الموضوع

الانتقال السريع


الساعة الآن 02:04 PM


جميع المشاركات تمثل وجهة نظر كاتبها وليس وجهة نظر الموقع